៣. ត្រាវកុដ្ឋ ជារមណីយដ្ឋានដ៏ប្រណិត និងមនោរម្យមួយកន្លែងស្ថិតនៅឃុំ បល្ល័ង្ក ស្រុក ប្រាសាទ បាគង ខេត្តសៀមរាប។ រមណីយដ្ឋានមួយនេះស្ថិតនៅចំកណ្ដាលរវាងក្រុងសៀមរាប និងភ្នំគូលែន ប្រាសាទបន្ទាយស្រី ប្រាសាទបាគង ប្រាសាទបឹងមាលា និងតំបន់អង្គរដោយបើកបរប្រហែល២០នាទី ពីប្រលានយន្តហោះថ្មី និងពីក្រុងសៀមរាប។
៤. ក្ដាតសាណាកា មានទីតាំងឋិតនៅផ្លូវជាតិលេខ៣ ចន្លោះកំពត-កំពង់សោម ក្បែរជើងភ្នំបូកគោ ជាប់ដៃសមុទ្រនាភូមិក្ដាត ដែលមានចម្ងាយប្រមាណ១៩គីឡូម៉ែត្រ ពីទីរួមខេត្តកំពត។ លោកអ្នកនឹងបានស្រស់ស្រាយសប្បាយអារម្មណ៍ជាមួយនឹងការហូបអាហារសមុទ្រស្រស់ៗ និងការស្នាក់នៅក្នុងពិភពធម្មជាតិពិតៗ។
៥. ល្អាងកំពង់ត្រាច ស្ថិតនៅក្នុងឃុំដំណាក់កន្ទួតខាងត្បូង ស្រុកកំពង់ត្រាច ខេត្តកំពត។ ល្អាង
កំពង់ត្រាចមិនត្រឹមតែជាកន្លែងសម្រាប់ទេសចរប៉ុណ្ណោះទេ តែវាជាកន្លែងសម្រាប់ធ្វើសក្ការបូជាថែមទៀតផង។ ប្រជាជនមកពីទីជិតឆ្ងាយ ទាំងជាតិនិងអន្តរជាតិមកទស្សនាហើយ ក៏អាចបួងសួងសុំសេចក្ដីសុខថែមទៀតផង។
៦. ឧទ្យានដងព្រែក មានទីតាំងស្ថិតនៅជិតតំបន់ទឹកធ្លាក់ទឹកឈូ ដែលនៅឆ្ងាយពីខេត្តកំពតប្រហែល ១០គីឡូម៉ែត្រ។ លោកអ្នកអាចកម្សាន្តជាមួយនឹងការជិះទូកនៅក្នុងទឹកព្រែកដែលមានទឹកថ្លាយង់ គយគន់ទេសភាពនៅតាមមាត់ព្រែក ។ ហើយលោកអ្នកក៏អាចសាកល្បងល្បែងកម្សាន្តថ្មី បែបព្រឺព្រួច នោះគឺការជិះខ្សែរ៉តចេញពីដើមឈើកម្ពស់ជាង ១០ម៉ែត្រ ដើម្បីឆ្លងពីត្រើយម្ខាងទៅត្រើយម្ខាងទៀតដែលមានប្រវែងប្រមាណ ២០០ម៉ែត្រ។
៧. ទឹកធ្លាក់ល្បាក់ខោន ឬទឹកជ្រោះសុភមិត្រ មានទីតាំងស្ថិតនៅភាគខាងជើងនៃមាតុភូមិកម្ពុជាត្រូវបានគេស្គាល់យ៉ាងច្បាស់ថា ទីនោះជាកន្លែងដែលទឹកទន្លេមេគង្គបានហូរធ្លាក់យ៉ាងគំហុកកាត់តាមថ្មដា ដែលមានកម្ពស់រហូតដល់២៦ម៉ែត្រ ហើយក៏ជាព្រំសីមានៃព្រះរាជាណាចក្រកម្ពុជា និងសាធារណរដ្ឋប្រជាធិបតេយ្យ ប្រជាមានិតឡាវដែរ។
អត្ថបទ៖ Sabay Der
