តាមការឲ្យដឹងពីលោក អ៊ន់ ប៉ោសឿន ប្រធានមន្ទីរទេសចរណ៍ខេត្តស្ទឹងត្រែងបានប្រាប់ក្រុមការងារ«ផ្លូវទៅស្រុក»ថា សម្រាប់និម្មិតសញ្ញា«កងចក្រ»នេះមានអត្ថន័យគ្រប់គ្រាន់សម្រាប់តំណាងឲ្យខេត្តដ៏មានសក្ដានុពលផ្នែកទេសចរណ៍មួយនេះ។ នៅជុំវិញ«កងចក្រ»មានចក្រទាំងអស់ចំនួន១៧ដែលតំណាងឲ្យជនជាតិទាំងអស់ចំនួន១៧ដែលមាននៅក្នុងខេត្តស្ទឹងត្រែង។ ទាំងជនជាតិខ្មែរ និងជនជាតិខ្មែរភាគតិចជាច្រើនទៀតដែលសរុបទាំងអស់មាន១៧ ដូច្នេះហើយទើបបានជាគេធ្វើកងចក្រនេះឡើងដើម្បីតំណាងឲ្យខេត្តស្ទឹងត្រែង។ ស្ទឹងត្រែងជាខេត្តមួយដែលសំបូរទៅដោយសម្បត្តិទេសចរណ៍ធម្មជាតិ និងវប្បធម៌ប្រពៃណីជនជាតិភាគតិច។ ខេត្តនេះមានទន្លេពីរប្រសព្វគ្នាគឺទន្លេមេគង្គ និងទន្លេសេកុងដែលបានក្លាយជាទន្លេមុខបួនប្រៀបដូចជាទន្លេចតុមុខនៅរាជធានីភ្នំពេញដែរ។ ស្ទឹងត្រែងសំបូរដោយតំបន់ទេសចរណ៍លក្ខណៈធម្មជាតិ និងតាមរដូវកាល៕
អត្ថបទ៖ ជាន ចាន់រ៉ា
No comments:
Post a Comment